感謝主

"Congratulations! You have completed the Qualification Programme!"

成個Programme 真係好似打緊機咁，連最後一句都十足十爆機畫面咁。

考左四年，終於玩完，原來我最驚都唔係考試，而家當眾PRESENTATION 同埋答問題。成個Programme最記得都係係大古坊祈禱祈左成粒鐘先敢衝上KPMG。

玩完呢個GAME，下年玩另一個GAME 了，下年個GAME 時間短過四年，但又可以話長過四年。

遊戲人生。

香港兩個最大的工會話制訂最低工資解決工人誇代貧窮問題？

佢地未免將貧窮問題諗得太膚淺。佢地制訂最低工資時，係基於工會諗住D 老細會自己食哂D 工資提升，即係人工由20蚊升到33蚊，個13蚊全部係D 老細俾出黎。D 工會真係未免太天真了吧！就以大家樂作例，20蚊請緊一個廚房仔，焗豬扒飯賣緊27、8蚊。如果要33蚊請一個廚房仔，焗豬扒飯要賣幾多錢先維持返個利潤(D 老細根本無理由會減少利潤)，可能賣到35-40蚊一個焗豬扒飯。D 工人工資係加左，但通脹都好勁，生活水平根本同以前一樣，最低工資只係比人產生假象。到時工資加左都應付唔到通脹，社會反彈更大。

D 報紙呢幾日成日報導公廁管理員7蚊時薪難哂譜。但又無人諗諗，香港D 公廁咩質素。香港係一個市場主導個價值GE 地方，D 人管理到個公廁咁污糟，咁個價值未會比拉低，價值反映你個表現。但要留意一點，個問題不在於個工人，因為可能個個人根本未TRAIN 過去做呢樣野。但我認為去幫D 工人唔應該係去夾硬去提高佢地個工資，而係去增值佢地。如果佢地管理到個公廁好似日本GE 廁所咁靚咁乾淨，納稅人比40蚊粒鐘都制。令我諗起"龍咁威"其中一段，鄭中基做洗廁所由好頹做到好出色，然後可以做返警察個道理一樣。最低工資搞到工資不反映個表現，無論你做成點，都比咁多你，點解好似愈黎愈似"共產主義"GE。一邊反共產黨一邊推共產。

要解決貧窮問題，最重要應該係令到社會更公平，要令到努力GE人比唔努力GE人有更好的待遇。

近排好多野都做唔好，好多野都做錯咁，尤其是工作上。

信心下降中

Alan

2010 世界盃殺到了

抽籤結果出左，英格蘭抽到歷來最好籤。C組：英格蘭，美國，阿爾及利亞，斯洛文尼亞。

幾乎是直達16強的組別。

年年英格蘭都被寄予厚望，今年以近年最佳外圍賽成績殺入決賽周，我覺得最大對手只有西班牙。

另一支我支持GE 南韓，都抽左支唔錯GE 籤。B組：阿根廷，尼日利亞，南韓，希臘。

有老馬帶領的阿根廷，出線十六強機會不大，希臘實力不大，南韓最有機會以次名出線。

今年比較死亡之組是巴西個組。G組：巴西，朝鮮，科特迪瓦，葡萄牙。

巴西同葡萄牙有排打，朝鮮同科特迪瓦又極之神秘。

好想睇波啊，裝唔裝有線好啊。

校友分享日 28-11-09

好耐無返過舊校陳白沙，今次有得幫MISS SIU 手，自然義不容辭。

去到先知要分享升學就業的經驗比D 師弟師妹，一諗原來離開左中學差不多六年了。突然要諗返呢六年自己的升學就業，竟然有好多好多野好想分享。一路諗，忽然覺得中學時代好值得懷念。

返到學校，見返好多老師，竟然是感覺到無比溫暖，D 老師見到我地，笑得好燦爛。

好似牧師咁講「感覺原來係叫人精神飽滿，滿有動力的……總之就有賺啦！」